Silek harimau adolah seni bela diri budayo Minangkabau[1]. Silek ko manyarupoi harimau bacakak. Silek ko digunukan katiko tadasak nan indak bisa mailak dari musuah. Silek harimau ko adolah silek turunan dari silek campo. Kini silek ko masih banyak basobok di nagari-nagari di Minangkabau.
Silek harimau ko bisa digunokan untuak mamatahkan tulang lawan bahkan bisa mambunuah lawan kok tadasak nan nyawa manjadi taruahannyo. Indak sumbarang urang sajo nan bisa manguasoi silek harimau, urang nan nak mampalajari silek ko haruslah urang nan arif dalam satiok keadaan, supayo indak sumbarang pagunoan sajo.
- ↑ Liputan6.com (2018-05-09). "Peduli Warisan Leluhur, Ammar Zoni Belajar Silek Harimau Minangkabau". liputan6.com (dalam bahasa Indonesia).